كتاب الخروج عن النص PDF محمد طه

457

تحميل كتاب الخروج عن النص PDF محمد طه مجانا

هذه صورة غلاف كتاب الخروج عن النص لمؤلفه محمد طه

مقتطف كتاب الخروج عن النص

أنواع العلاقات البشرية كثيرة جدا.. وطبيعتها معقدة لأقصى حد.. ومن أصعب العلاقات التي يمكن أن تراها هي العلاقة التي تختارها الفتاة فيها صاحب أو حبيب أو زوج يكون مستغل، أناني وطماع ومؤذي لها نفسيا وعاطفيا وجسديا.. مش بس كده.. ده هي في العلاقة دي بتكون متمسكة به جدا.. وتحارب الدنيا كلها لأجله.. ولو سابها ترجعله.. ولو غاب عنها تحن له، وما تستحملش فراقه ولا بعده أبدا.. برغم البهدلة والاستغلال والذى.. لا وكمان إيه.. في حالة ما يفترقوا عن بعض لأي سبب.. تدور على حد له نفس الموصفات، وترتبط بيه، وتعيد الكرة من الأول، بنفس تفاصيلها.

إحدى مريضاتي كانت بتوصف العلاقة دي وأصولها وأسبابها وأثرها في حياتها، أحسن من أي كتاب أو مرجع علمي: أثناء طفولتها أبوها كان غائبا، مسافر، مش موجود، كل علاقته برماته وبيته إنه بيشتغل وبيجيب فلوس، أمها كانت موجودة بس مش موجودة، زي الحاضر الغائب كده، يعني آه هي موجودة بجسمها معها في بيت واحد، لكنها مشغولة بنفسها واهتمامتها واصحابها وتليفونها أكثر من انشغالها ببناتها وتفاصيل حياتها، الرسالة النفسية اللي وصلت للمريضة في البيت ده هي: ابنتي مش مهمة، إنتي متستاعليش إنني نهتم بك، أنتي وجودك مش فارق معانا، أب وجوده غيابه كان مؤذي..

الطفل الذي تصله رسائل نفسية بالشكل ده، غالبا مش هايصدق عن نفسه طول حياته غير حاجة واحدة بس، إنه ما يستهلش، وإن وجوده مش فارق مع حد..، ومش بعيد يتربى جواه إحساس رهيب بالذنب.. على حاجة هو ما يعرفهاش أصلا..

الطفل ها يخزن السيناريو ده جواه، وهيكرره طول حياته، علشان يا إما يحله، إما يؤكده، هيدور على ناس لهم نفس مواصفات الأب أو الأم، ويعمل معاهم علاقات إنسانية عميقة، ويا إما يوصلوله رسائل عكس التي وصلته من قبل “وغالبا ده مش بيحصل”، فيصدق أنه يستاهل، وإن وجوده فارق، ومهم، وتتحول العقدة، أو يوصله نفس الرسائل القديمة “وده الأغلب الأعم”، ويتأكد عنده إنه ضحية، وإنه غير مسؤول..

ده اللي عملته المريضة دي بالظبط، وتبدأ هنا باقي الخيوط تتجمع، المريضة قررت أنها تكرر مشهد عيلتها بكل تفاصيله مع الشخص اللي كانت بتحبه..

يمكنكم أيضا تحميل كتاب العاقل تاريخ مختصر للنوع البشري ل يوفال نوح هراري نسخة 2020